Sajadah Jeung Taleus lan Tawakal

Bandung, NU Online Jabar

Sajadah jeung Taleus

Satetes na cipanon kana sajadah
Lir ibarat ragragna jatidiri nu sampurna lakuning diri salira ka pangkuan gusti

​​​​​​​Tapina mun seug ragragna di pangkuan istri
Lir ibarat netesna cai ka daun taleus, boroning aya tapak, baseuh ge henteu

​​​​​​​Bral sumerah kana laku lampah, sangkan jisim sampurna tur ma'rifah
Bral geura nyaring tinu sasab, sangkan diri nu ngawaris jisim teu teu kalentab

Tawakal

​​​​​​​Titimangsa nu geus cunduk kana carita
Bewara anu geus ngageuing kana rasa
Hirup te puguh unggelan dina jalan kagorengan
Tutung teu nikmat di tuang ku balarea

Neundeun harepan di palebah juru hanjuang
Sugan kapanggih jaga keur kahirupan

Tulang nu geus nyaruaan beusi
Kiwari peupeus lir ibarat endog murag saharitaeun
Murag lain kana tempatna, sangkan teu kapanggih nikmat nu sajati

​​​​​​​Bral geura geuingkeun deui gusti
Kadaek jeung kawani nu kamari geus masagi
Sangkan diri teu sasab kajalan peurih nu neuteuli
Bral tuduhkeun ka abdi mana tegal, mana galengan, mana lelemah, mana Kebon, mana ranca, jeung mana leuwi pangarti anu kudu di pacul Ku Jisim abdi

Sajak Penatelanjang, Pecinta Syair