KH M. Nuh Addawami: Mihatur Wilujeng Niti Warsih Ka-95 NU
Oleh KH Nuh Addawami
"Angin Dalingding Wanci Janari"
Mun mah dunya saurang jalma
hanteu dipikameumeut
teu dipikareueus ku galeuhna
tanwande manehna
moal ngarasa bungah bungangang
ku kaseundeuhanana
malih baris sepi
kasedih kingkin
ku kaleungitanana
Mun mah diri saurang jalmi
hanteu dipupusti
teu dipupuji ku atina
tanwande manehna
moal agul ku kaalusan katut kalungguhanana
malah bakal ilang kahayang mulangkeun
panyiraman kanu milaraanana
Mun mah galih saurang adamy
ngarti kalih surti
kana kaayaan diri rawuh kabutuhna
tanwande manehna
bakal kenal ka Nu ngayugana
tur ngaku butuh sumujud ka Anjeunna
Ka Nahdliyin- Nahdliyat sakumna, nyanggakeun Wilujeng ngabandang predikat Hamba Allah Paripurna
Penulis adalah Rais Syuriyah PWNU Jawa Barat