Kodim 0608/Cianjur Ngabebenah Masjid Al Barokah Citapen dina Progam TMMD ka-122
Jumat, 25 Oktober 2024 | 07:03 WIB
Dina Program Tentara Manunggal Membangun Desa (TMMD) 122, Kodim 0608/Cianjur ngabebenah Masjid Al Barokah Citapen, Desa Ciandam, Kacamatan Mande, Kabupaten Cianjur. (Foto: NU Online Jabar/Rameli)
Cianjur, NU Online Jabar
Dina Program Tentara Manunggal Membangun Desa (TMMD) ka-122, Kodim/0608 Cianjur ngabebenah Masjid Al Barokah, di Kampung Citapen, Desa Ciandam, Kacamatan Mande, Kabupaten Cianjur.
Danget ayeuna, eta program teh kawilang geus tereh rengse.
Komandan Satgas TMMD ka-122 Letkol Kav Yerry Bagus Merdiyanto, ngeceskeun, kalawan ngaubkeun sakumna personel Satgas, kagiatan ngabebenah eta masjid teh lumangsung lancar.
"Katambah ku ayana partisipasi ti sakumna warga, kuring yakin program renovasi ieu masjid bakal rengse luyu jeung jadwal nu ditetepkeun," pokna, waktu ngaroris ka lokasi, Salasa (22/10/2024).
Salila ngalaksanakeun kagiatan program, tetela sakumna pihak nembongkeun sumanget rukun gawe paheuyeuk-heuyeuk. Salian personil Satgas TMMD ka-122, aparat desa sarta masarakat Desa Ciandam ge aub gotong-royong malar ngabebenah Masjid Al Barokah teh bisa geura anggeus.
"Ngahaturkeun nuhun ka sakabeh personil Satgas TMMD 122, oge ka aparat jeung warga desa nu teu weleh ngarojong kana kalancaran ieu program TMMD," ceuk Letkol Kav Yerry Bagus Merdiyanto.
Laju manehna miharep, sangkan tina kalancaran program ngabebenah masjid tug tepi ka rengsena, masing bisa mawa mangpaat keur balarea.
"Moga wae program ngabebenah Masjid Al Barokah Citapen teh sing aya dina kalancaran, bisa geura-geura dimangpaatkeun ku sakumna warga," pokna.
Kontributor: Rameli Agam
Terpopuler
1
Bangkitkan Semangat Wirausaha, Talk Show di Cirebon Ajak Perempuan Muda Jadi Pelaku Ekonomi Mandiri
2
Angkatan Pertama Beasiswa Kelas Khusus Ansor Lulus di STAI Al-Masthuriyah, Belasan Kader Resmi Menyandang Gelar Sarjana
3
PBNU Serukan Penghentian Perang Iran-Israel, Dorong Jalur Diplomasi
4
Isi Kuliah Umum di Uniga, Iip D Yahya Sebut Media Harus Sajikan Informasi ‘Halal’ dan Tetap Diminati
5
Koleksi Manuskrip Warisan Ulama Sunda, KH Enden Ahmad Muhibbuddin Jadi Rujukan Tim Peneliti Naskah Nusantara
6
Pengembangan Karakter Melalui Model Manajemen Manis
