Nguatkeun Posisi Kalender Islam dina Perspektif Syariah jeung Sains Hilal
Senin, 25 November 2024 | 09:19 WIB

Kalender Islam atawa Kalender Hijriyah nu diwengku 12 bulan teh minangka pananggalan nu dumasar kana pergerakan edar Bulan. (Foto: NU Online Jabar)
Rameli Agam
Penulis
Kalender Islam teh minangka kalender Bulan atawa kalender Qomariah murni. Dina mangsa Rasulullah, nitenan hilal minangka cara nangtukeun awal bulan Islam, sakaligus sumber awal “kriteria rujukan” dina ngarekonstruksi kalender Islam.
Awalna, kalender Hijriah umat Islam teh ngagunakeun hisab Urfi nu diwanohkeun ku Khalifah Umar bin Khaththab (taun 17 H atawa 639 Masehi). Hisab Urfi minangka tahapan nu perelu dilakukeun jeung jadi pangajaran pikeun umat Islam, alatan ibadah puasa Ramadan katut ibadah Haji teh kawajiban ibadah nu teu bisa nungguan ayana kalender Islam nu “sampurna”.
Hisab Urfi jadi salasahiji tarekah operasional kalawan ngalarapkeun pangaweruh ngeunaan posisi Bulan katut Matapoe nu presisi dina jamanna.
Pamahaman sual panangtuan posisi Bulan jeung hilal mekar ti mangsa ka mangsa tur numuwuhkeun persepsi umat manusa kana langit katut objek langit nu katelah model geosentris, oge model heliosentris alam semesta.
Kiwari, eta model alam semesta teh mingkin sampurna. Pangaweruh sual posisi Bulan nu presisi geus sadia, sains ngeunaan hilal ge geus mekar, sahingga kalumangsungan “jiwa” tradisi rukyat umat Islam ti saprak jaman Rasulullah bisa diwujudkeun dina hisab imkanur rukyat.
Tah, lagu netepkeun kalender Islam teh sababaraha lembaga saperti BMKG, LAPAN, Observatorium Bosscha ITB, paguron luhur, ormas-ormas Islam, katut komunitas sejenna di Indonesia, sok dilibetkeun tur oge jadi bagean tina proses sidang isbat nu digelar Kementerian Agama. Hasil observasina dijadikeun bahan tinimbangan putusan sidang isbat.
Eta sidang isbat teh pikeun netepkeun atawa nangtukeun pananggalan Hijriyah tumali jeung kagiatan ibadah, upamana pikeun netepkeun 1 Ramadan, 1 Syawal, atawa Idul Adha 10 Dzulhijah.
Astronom Moedji Raharto kungsi ngebrehkeun, yen nitenan hilal di wilayah Indonesia teh bisa dijadikeun cecekelan minangka tarekah nu daria geusan ngahijikeun kalender Islam.
Nitenan hilal sanggeus isbat awal Bulan ge masih diperelukan pikeun meunangkeun informasi ilmiah ngeunaan hilal. Eta informasi ilmiah panitenan hilal teh kalintang pentingna geusan ngarumuskeun kriteria visibilitas fisik hilal nu ahirna nguatkeun posisi kalender Islam tina perspektif syariah jeung sains hilal.
Nitenan sabit Bulan atawa hilal waktu beurang ge diperelukeun pikeun ngamekarkeun teknik panitenan hilal nu leuwih hade, jeung paham kana karakteristik serapan angkasa Bumi kana pelemahan sabit Bulan nu aya di deukeut horizon atawa ufuk barat.
Terpopuler
1
Pelunasan Haji Khusus 2025 Memasuki Hari Keempat, Kuota Terisi Hampir 50%, Masih Dibuka hingga 7 Februari
2
LAZISNU Depok Resmi Jadi Percontohan dalam Program Koin Digital NU
3
3 Peristiwa Penting di Bulan Syaban, Bulan Pengampunan dan Rekapitulasi Amal
4
IPNU-IPPNU Kabupaten Tasikmalaya Gelar Diklat Aswaja, Perkuat Pemahaman Keaswajaan Pelajar NU
5
Menjaga Warisan Gus Dur: Alisa Wahid dan Tantangan Toleransi di Indonesia
6
Hasil Bahtsul Masail Kubro Putri se-Jabar di Pesantren Sunanulhuda 2025 terkait Hukum Sungkem dan Mushofahah kepada Guru, Download di Sini
Terkini
Lihat Semua