Ngaji kitab kuning, tradisi literasi di pesantren salaf (Foto: Tebuireng Online)
Ajengan Fajri M Ibrahim Oeron
Duh gusti abdi nyalu'uh
Alam dunya tos pakewuh
Nu ngaji geus teu maratuh
Ka pasantren henteu wawuh
Ulama teh paku dunya
Mun parupus teh bahaya
Saha nu nuluykeunana
Lian ti santri ayeuna
Matak santri prak ngaraji
Di pasantren nu salafi
Tegesna nu teu ngahiji
Jeung kholaf jaman kiwari
Duh gusti abdi teh bingah
Ningali santri nu betah
Masantren di salafiyah
Bari ngaraji alfiyah
Kuring teu anti kuliah
Sabab kuliah teu salah
Ngan anti kanu gagabah
Ka pasantren nganggap rendah
Pasantren sareng sakola
Duanana pada mulya
Nu masantren teu sakola
Eta ge di pandang mulya
Teu masantren ngan sakola
Kana ngaji lalawora
Eta masih tanda tanya
Antara mulya henteuna
Ngan anu kitu lakuna
Eta tangtu dorakana
Sabab embung diajarna
Kana elmu nu wajibna
Elmu nu wajib di aji
Eta aya tilu rupi
Tauhid anu kahiji
Fiqih tasawuf sing ngarti
Eta elmu nu tilu teh
Di ajina ulah weleh
Fardu ain ka sakabeh
Jalma islam anu soleh
Mudah mudahan manfaat
Ieu nadom nu di serat
Muga sing jadi amanat
Ka santri jeung ka santriat
Ieu nadom diseratna
Ku jalmi anu dhoifna
Nu mukim di al-Qudwahna
Pasantren elmu alatna
Anggitan khadim Pondok Pesantren Al-Qudwah, Tasikmalaya
Terpopuler
1
Barak Militer Vs Pesantren
2
Jejak Perjuangan KH Muhammad asal Garut: Dari Membangun Pesantren hingga Menjaga NU
3
Jelang HUT ke-79, Kodam III/Siliwangi Gelar Ziarah ke TMP Cikutra Bandung
4
Ketua Pergunu Jabar Minta Gubernur Dedi Mulyadi Perhatikan Rekomendasi KPAI
5
Ansor Kuningan Dorong Ketahanan Pangan Lewat Gerakan Kader Tani
6
Berangkat ke Semarang, Sejumlah Tim Instruktur PCNU Kota Bekasi Ikuti Upgrading Nasional PD-PKPNU
