• logo nu online
Home Nasional Warta Sejarah Khutbah Taushiyah Kuluwung Ubudiyah Daerah Keislaman Syariah Obituari Risalah Doa Tokoh Tauhid Profil Hikmah Opini Wawancara PWNU Ngalogat Ekonomi Lainnya
Jumat, 29 Maret 2024

Khutbah

Khutbah Jumat Bahasa Sunda, Kasampurnaan Islam (1)

Khutbah Jumat Bahasa Sunda, Kasampurnaan Islam (1)
Upama ku urang ditalungtik, agama Islam teh pohara sampurna
Upama ku urang ditalungtik, agama Islam teh pohara sampurna

Oleh KH Moch. Anwar

Khutbah 1
 

 السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ

الْحَمْدُ ﷲِ الَّذِيْ  جَعَلَ الْإِنْسَانَ فِيْ أَحْسَنِ تَقْوِيْمٍ. وَجَعَلَ لَنَا الْأَرْضَ وَالسَّموَاتِ وَمَابَيْنَهُمَا دَلِيْلًا عَلٰى وُجُوْدِهِ الدَّائِمِ وَأَنْزَلَ لَنَا دِيْن الْإِسْلَامِ هِدَايَةً إِلٰى صِرَاطِ الْمُسْتَقِيْمِ. أَشْهَدُ أَنْ لَا إِلٰهَ إِلَّا ﷲُ الْمَلِكُ الْحَقُّ الْمُبِيْنُ. وَأَشْهَدُ أَنَّ مُحَمَّدًا رَسُوْلُ ﷲِ الصَّادِقُ الْوَعْدِ الْأَمِيْنُ. اَللّٰهُمَّ صَلِّ وَسَلِّمْ عَلٰى هَذَا النَّبِيِّ الْكَرِيْمِ مُحَمَّدِ بْنِ عَبْدِ ﷲِ بْنِ عَبْدِ الْمُطَّلِبِ بْنِ هَاشِمٍ وَعَلٰى أٰلِهِ وَأَصْحَابِهِ  الَّذِيْنَ يَنَالُوْنَ الدَّرَجَاتِ الْعَلِيَّةِ فِى الْجَنَّةِ النَّعِيْمٍ. فَيَااَيُّهَا النَّاسُ اتَّقُوا ﷲَ حَقَّ تُقَاتِهِ وَلَاتَمُوْتُنَّ إِلَّا عَلَى الدِّيْنِ الْقَوِيْمِ.

اَعُوْذُبِاﷲِ مِنَ الشَّيْطَانِ الرَّجِيْمِ. يَااَيُّهَا الَّذِيْنَ أٰمَنُوا ادْخُلُوْا فِى السِّلْمِ كَافَّةً ۚ وَلَاتَتَّبِعُوْا خُطُوَاتِ الشَّيْطَانِ إِنَّهُ لَكُمْ عَدُوٌّ مُبِيْنٌ. وَمَنْ يَبْتَغِ غَيْرَ الْإِسْلَامِ دِيْنًا فَلَنْ يُقْبَلَ مِنْهُ وَهُوَ فِى الْأٰخِرَةِ مِنَ الْخَاسِرِيْنَ

 

Para hadirin ahli jum’ah anu mulya,

Sadaya puji disanggakeun ka Gusti Allah Anu Maha Agung, Anu Maha Murah, Maha Heman ka hamba-Na, anu parantos ngadamel urang salaku umat manusia tina saguruntul daging. Saguruntul daging tina aslana sagurultul getih. Sagurultul getih tina asalna sakecret cai mani. Sakecret cai mani asalna tina mangrupa-rupa zat (aci) pepelakan jeung beubeutian anu asalna tina bumi atawa taneuh.


Sakumaha pidawuh Allah:

لَقَدْ خَلَقْنَا ٱلْإِنسَٰنَ مِن سُلَٰلَةٍ مِّن طِينٍ ثُمَّ جَعَلْنَٰهُ نُطْفَةً فِى قَرَارٍ مَّكِينٍ
 

Hartosna: “Jeung demi satemen-temena Kaula geus ngadamel bangsa manusa tina saripati taneuh. Terus Kaula ngadamel tina eta saripati teh cai mani anu disimpenna dina tempat anu kuat (tohaga) nya eta rahim.“ (QS. Al-Mu’minun: 12-13)

Ku ayana kitu di kieukeuna ieu kawijaksanaan sareng ka kawasaan Allah anu parantos ngalahirkeun urang ti alam rahim ka alam dunya ieu anu parantos dieusian ku bumi, langit, panonpoe, pepelakan, sato, hewa sareng rae-rea deui mahluk Allah anu mampaatna keur urang sadayana.

Sanes dikieuna deui kawijaksanaaan Allah Subhanahu wa Ta’ala anu parantos nurunkeun agama-Na nyaeta Islam anu gunana pikeun pedoman hirup kumbuh urang di alam dunya ieu, nyaeta alam pangumbaraan alam anu kakara ayeuna dilakonan ku urang anu engkena bakal ditinggalkeun di mana urang maot, asup ka alam kubur, anu engkena di mana kiamah dihirupkeun deui di alam aherat. Alam aherat nya eta alam pangwelasan sadaya amal perbuatan urang. 

Pidawuh Allah:

ذَٰلِكَ ٱلْكِتَٰبُ لَا رَيْبَ ۛ فِيهِ ۛ هُدًى لِّلْمُتَّقِينَ

Hartosna: “tah eta Kitab Qur’an teu aya pikamangmangeun di jerona geusan pituduh jalma anu takwa.”

Dawuhan Allah dina ayat sejen nu hartina, "Jeung bakal diwales sakabeh jiwa nurutkeun pagaweana. (QS Al-Jatsiyah 22)

Para hadirin anu mulya,

Upama ku urang ditalungtik, agama Islam teh pohara sampurna, sabab di jero ngawengku kana sugrining aturan hirup manusa, boh pikeun ngurus pribadi masing-masing, ngurus anu di pika butuh keun ku manusa boh pikeun ngurus pribadi masing-masing, ngurus kamasarakatan, ngurus kanagaraan, katut sugrining elmu pangaweruh anu dipikabutuh ku manusa. 

Pidawuh Allah:


ٱلْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِى وَرَضِيتُ لَكُمُ ٱلْإِسْلَٰمَ دِينًا

Hartosna: “Dina poe ieu Kaula geus nyampurnakeun pikeun maraneh agama maraneh jeung kaula geus nyukupkeun ka maneh ni’mat kaula jeung kaula sugema pisan Islam  jadi agama maraneh.” (QS. Al-Maidah: 3)

Sareng pidawuh-Na: 


ٱدْخُلُوا۟فِى ٱلسِّلْمِ كَآفَّةً

Hartosna: “Pek arasupan (aramalkeun) ajaran Islam teh sakabehanan (ulah aya anu kaliwat atawa di pilihan).”

Dina ngabuktikeun kasampurnaan agama Islam, urang sadaya tiasa nalungtik kana sajarahna baheula, dimana Islam kungsi ngomean masyarakat jahiliyah nepi ka jadi masyarkat Islamiyah anu maju peradabana malah di sebut paling maju, paling terkemuka, nyaeta ti jaman jumeneung Kanjeung Nabi Muhammad sollahu alaihi wasalam nepi ka jaman pamarentahan Abasiyah. Ngan hanjakal kadieunakeuna umat Islam teh loba anu katerap ku panyakit lupa daratan, mabok kasenangan, anu ahirna umat Islam jadi taledor, lalawora dina ngamalkeun jeung ngamumule agamana, nepi ka ahirna kungsi kalindih, dijajah ku kaom luar Islam, sabab rasiah kamajuan Islam ditiru ku kaom luar Islam.

Saur Sakib Arsalam: 

الإسلام محجوب بالمسلمين 

Hartosna: “Kaluhuran Islam teh kahalangan ku kalakuan urang Islam keneh (anu daroraka).”

 

Para hadirin anu mulya,

Ku ayana kitu, sukur Alhamdulillah wirehing dina abad ayeuna umat Islam dina saantero dunya hususna di Indonedia terus berjuang ngarojatkeun da’wahna pikeun nanjeurkeun deui kaagungan Islam katut umatna, malah di nagara urang mah hal ieu teh dibantu ku pamarentah ongkoh, tinggal urang wae ulah cicingeun margi kawajiban da’wah atawa nangtukeun agama teh kawajiban sakumna umat Islam. 

Pidawuh Kanjeng Nabi sollahu alaihi wasalam:

“Moal petot-petot aya wae kaum Muslimin anu ngabela kana jalan anu hak (bener) nepi ka poe kiamah oge.” (HR. Hakim ). 

 

Para hadirin anu mulya, 

Mangga urang ngaronjatkeun amal ibadah urang sadaya hususna ngenaan:
1. Widang tauhid supaya bener-bener mantep sing jadi panahan jiwa urang dina keur menang kasusah atawa kasedih, tunggara, sing tiasa sukur ka Pangeran dian keur bungah, sahingga ngaronjatkeun kacintaan sarta kaisin, kasieun ku Allah Subhanahu wa Ta’ala sangkan iman urang kabantuan ka aherat, ulah nepi kagoda ku setan nalika engke sakarat maot.

2. Ngarojatkeun widang pangwangunan lahir atawa batin saluyu sareng papagon Islam, margi Islam teh agama pangwangunan.

3. Ngarojatkeun moral ahlak urang sangkan tambah sae tambah katawadoan, katawekalan ka Pangeran, handap asor, nyaahan ka papada mahluk Allah, bari miceun rasa takabur adigung, hirup asa bener sorangan, miceun sipat unek-unek, sipat dengki ka batur, miceun sipat jail kaniaya atawa ngaruksak barang batur, boh ku cara mindahkeun wates tanah atwa pagawean sejenna anu matak ngarugikeun batur.

4. Dina widang kamasyarakatan ku cara ngaluarkeun jakat sidekah katut amal jariyah sejena sangkan kaadilan sosial pikeun sakumna rahayat Indonesia bias buru-buru kahontal.

Dawuhan Allah: 


يَا أَيُّهَا الَّذِينَ آمَنُواْ اتَّقُواْ اللّهَ حَقَّ تُقَاتِهِ وَلاَ تَمُوتُنَّ إِلاَّ وَأَنتُم مُّسْلِمُونَ

بَارَكَ ﷲُ لِى وَلَكُمْ بِالْأَيَاتِ وَالذِّكْرِ الْحَكِيْمِ وَتَقَبَّلَ مِنِّى وَمَنْكُمْ تِلَاوَتَهُ إِنَّهُ هُوَ السَّمِيْعُ الْعَلِيْمُ وَقُلْ رَبِّ اغْفِرْ وَارَحَمْ وَأَنْتَ خَيْرُ الرَّاحِمِيْنَ
 

Khutbah II

اَلْحَمْدُ للهِ رَبِّ الْعَالَمِيْنَ، وَبِهِ نَسْتَعِيْنُ عَلَى أُمُوْرِ الدُّنْيَا وَالدِّيْنِ. أَشْهَدُ أَنْ لاَ إِلهَ إِلاَّ اللهُ وَحْدَهُ لاَ شَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اللّهُمَّ صَلِّ عَلَى سَيِّدِنَا مُحَمَّدٍ وَعَلَى ألِهِ وَأَصْحَابِهِ أَجْمَعِيْنَ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ. أَمَّا بَعْدُ، فَيَا عِبَادَ اللهِ أُوْصِيْكُمْ وَنَفْسِيْ بِتَقْوَى اللهِ فَقَدْ فَازَ الْمُتَّقُوْنَ، وَأَحُثُّكُمْ عَلَى طَاعَتِهِ لَعَلَّكُمْ تُرْحَمُوْنَ. قَالَ اللهُ تَعَالَى فِيْ اْلقُرْآنِ الْكَرِيْمِ: يَاأَيُّهَا النَّاسُ اعْبُدُوا رَبَّكُمُ الَّذِي خَلَقَكُمْ وَالَّذِينَ مِنْ قَبْلِكُمْ لَعَلَّكُمْ تَتَّقُونَ، وَقاَلَ رَسُوْلُ اللهِ صَلَّى اللهُ عَلَيْهِ وَسَلَّمَ: اتَّقِ اللَّهِ حَيْثُمَا كُنْتَ وَأَتْبِعْ السَّيِّئَةَ الْحَسَنَةَ تَمْحُهَا وَخَالِقِ النَّاسَ بِخُلُقٍ حَسَنٍ. صَدَقَ اللهُ الْعَظِيْمُ وَصَدَقَ رَسُوْلُهُ النَّبِيُّ الْكَرِيْمُ وَنَحْنُ عَلَى ذلِكَ مِنَ الشَّاهِدِيْنَ وَالشَّاكِرِيْنَ وَالْحَمْدُ ِللهِ رَبِّ الْعَالَمِيْنَ. اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَالدِّيْنِ وَاعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَاوَاِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ. عِبَادَاللهِ ! إِنَّ اللهَ يَأْمُرُنَا بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوااللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ

 


Khutbah Terbaru