• logo nu online
Home Nasional Warta Sejarah Khutbah Taushiyah Kuluwung Ubudiyah Daerah Keislaman Syariah Obituari Risalah Doa Tokoh Tauhid Profil Hikmah Opini Wawancara PWNU Ngalogat Ekonomi Lainnya
Senin, 27 Mei 2024

Khutbah

KHUTBAH IDUL FITRI

Khutbah Idul Fitri 1445 H; Ngawujudkeun Perubahan, Kamajuan Jeung Perbaikan

Khutbah Idul Fitri 1445 H; Ngawujudkeun Perubahan, Kamajuan Jeung Perbaikan
(Ilustrasi: NU Online).
(Ilustrasi: NU Online).

Khutbah I


اللَّه أَكْبَرُ ٣×. اللَّه أَكْبَرُ ٣×. أَكْبَرُاللهُ أ٣×. اَللهُ أَكْبَرُ كَبِيْرًا وَالْحَمْدُ للهِ كَثِيْرًا، وَسُبْحَانَ اللهِ بُكْرَةً وَأَصِيْلاً.  لاَ إِلهَ إِلاَّ اللهُ. وَاللهُ أَكْبَرُ. اللهُ أَكْبَرُ وَللهِ الْحَمْدُ
الْحَمْدُ لِلّٰهِ الْمُنْعِمِ عَلَى مَنْ أَطَاعَهُ وَاتَّبَعَ رِضَاهُ، الْمُنْتَقِمِ مِمَّنْ خَالَفَهُ وَعَصَاهُ
أَشْهَدُ أَنْ لآ إِلٰهَ إِلاَّ اللهُ وَحْدَهُ لاَشَرِيْكَ لَهُ شَهَادَةَ عَبْدٍ لَمْ يَخْشَ إِلاَّ اللهَ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِي اخْتَارَهُ اللهُ وَاصْطَفَاهُ
اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ وَمَنْ تَبِعَ سُنَّتَهُ وَجَمَاعَتَهُ.
أَمّأَبَعْدُ، فَيَآ أَيُّهَا النَّاسُ، اتَّقُوا اللهَ حَقَّ تَقْوَاهُ وَاعْلَمُوْا أَنَّ يَوْمَكُمْ هٰذَا يَوْمٌ عَظِيْمٌ، وَعِيْدٌ كَرِيْمٌ 
قالَ اللهُ تَعَالىَ فِيْ كِتَابِهِ الكَرِيْمِ أَعُوْذُ بِاللَّهِ مِنَ الشَّيْطَانِ الرَّجِيمِ وَجَزَاءُ سَيِّئَةٍ سَيِّئَةٌ مِّثْلُهَا ۖ فَمَنْ عَفَا وَأَصْلَحَ فَأَجْرُهُ عَلَى اللَّهِ ۚ إِنَّهُ لَا يُحِبُّ الظَّالِمِينَ


Allahu Akbar Allahu Akbar Allahu Akbar Walillahil Hamd


Kalayan ucapan Alhamdulillah urang nekadkeun yen sifat puja puji eta wungkul hak Allah, Kalayan ucapan Alhamdulillah urang ngangkeun yen sagala ni’mat anu karaos ku urang sadaya eta wungkul paparin ti Allah, kalayan ucapan Alhamdulillah urang nunjukeun bungah syukur ka Allah atas ni’mat Iman, Islam, panjang yuswa dugika lebaran idul fitri anu ayeuna. 


Sholawat sinareng salam dicurahkeun ka Rosulullah anu berhasil ngarobah kaayan zaman jahiliyah jadi zaman ilmu sareng hidayah, Nabi Allah anu ngamajukeun manusa tina kajumudan jeung dosa jadi maju kana gerakan lomba ngaraih pahala jeung karunia, jalmi anu jadi rohmat pikeun sadaya alam yakni Nabi Muhammad SAW ka kulawargina, sahabatna, tabi’ina oge mugi dugi kaurang sadaya umatna.


Allahu Akbar Allahu Akbar Allahu Akbar Walillahil Hamd
Hadirin Jama’ah Id Rohimakumullah. 


Ibadah puasa ku Allah diwajibkeun ka urang sadaya ngandung tujuan ngarah aya “perubahan” dina tingkat kataqwaan, Allah tegas dina Al-Quran. 


يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ


Nafsiran ayat eta Al-Imam Ibnu Katsir masihan penjelasan tentang fungsi puasa :


لأن الصوم فيه تزكية للبدن وتضييق لمسالك الشيطان


“Saenyana dina puasa eta aya proses beberisih awak sareng nyempitkeun pengaruh jalan-jalan syaitan” 


Puasa anu jadi cara nyucikeun badan sareng nyempitkeun pengaruh jalan syaitan anu bakal ngawujudkeun perubahan tingkat kataqwaan jalma, eta oge gumantung kana kasiapan ngabebenah diri urang sadaya. Saha jalmi nu siap ngabebenah dirina, pasti bakal ngawujud perubahan anu hebat. 


Aya paribasa ulah puasa sapertos oray tapi kudu sepertos hileud. Saur para ahli, oray ngalaksanakeun puasa nu hartosna teu tuang teu leueut dina sababara waktos nu lami kanggo naekeun suhu badana pikeun ngabantu ganti kulit. Mangga lenyepan! Saparantos oray puasa teras tiasa ganti kulit kumaha hasilna ? ngarana tetep oray, bentukna tetap oray, sifatna tetep oray. Teu aya perubahan iwal ti kulit nu coplok. 


Lain hal hileud, saur para ahli hileud oge puasa teu tuang teu leueut dina sababara waktos kanggo ngawujud perubahan janten kepompong teras kupu-kupu. Mangga lenyepan hasil puasa nu ngawujud perubahan. Asalna namana hileud, beres puasa namana jadi kupu-kupu, asalna bentukna hileud nu dipikageuleuh ku kaseuseuran jalma, jadi bentuk kupu-kupu, endah katingalna dipikareseup. Asalna hileud sifatna jadi mamala hama, jadi kupu-kupu anu ageung tur seueur pisan manfaatna kanggo tanaman sareng lingkungan. 


Mangga dina idul fitri anu ayeuna urang sami-sami komitmen silih bebenah diri sangkan ngawujud perubahan kataqwaan anu dibuktikeun dina laku lampah manfaat dina kahirupan.


Allahu Akbar Allahu Akbar Allahu Akbar Walillahil Hamd
Hadirin Jama’ah Id Rohimakumullah. 


Bulan Romadon oge masihan pelajaran pikeun urang sadaya sangkan kudu aya kamajuan babarengan, dina puasa urang sadaya ku Allah dibarengkeun waktu tuang sareng leueut ulah paheula-heula eta ciri urang ngalengkah maju teh kudu babarengan. 


Kamajuan babarengan dina Islam kudu diwangun dina dua gerakan:


Kahiji, Gerakan Al-‘Ashr

  1. وَالْعَصْرِ 
  2. إِنَّ الْإِنسَانَ لَفِي خُسْرٍ 
  3. إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ  


Kadua. Gerakan Ta’awwun


وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ ۚ


Gerakan Al-‘Ashr negaskeun yen kabeh jalma bakal rugi, moal maju-maju kecuali jalma nu gaduh 4 karakter 1. Iman, 2. siap ngalakukan laku-laku hade, 3. Siap sili elingan dina bebeneran 4. Siap sili kuatan dina sabar. 
Gerakan Ta’awwun ngajarkeun ka urang yen kamajuan babarengan teh kudu dibangun dina jalan sili dukung, sili tulungan dina jalan-jalan kasaean sareng taqwa sanes dina jalan sili dukung dina dosa jeung mumusuhan. 
Lamun tea mah kalah ngagegede dosa sareng mumusuhan nu matak ngaruksak kamajuan naon anu layak dibanggakeun? 


Allahu Akbar Allahu Akbar Allahu Akbar Walillahil Hamd
Hadirin Jama’ah Id Rohimakumullah. 


Pungkasna anu ku urang sae pisan dilenyepan nyaeta, perubahan moal betah lamun ngukut pasea jeung sasama warga, kamajuan moal matak ngabungahkeun lamun kalah pabujur-bujur jeung dulur. 


Maka urang sami sami sampurnakeun sumanget ngawujudkeun perubahan sareng kamajuan ku nyaekeun hubungan papada manusa ku sili lubarkeun sili maafkeun tina laku lampah khilaf sareng kasalahan. 


Bukakeun hate! leupaskeun iri, dengki jeung hasud! sing hampang menta hampura ka batur! oge sing jembar manah ngamaafkeun kasalahan batur! kalayan dumasar tina kasadaran yen urang oge jalma anu moal lepas tina salah, bahkan mungkin dina pandangan Allah kasalahan urang langkung matak picilakaeun lamun teu beberes papada jalma. 


وَجَزَاءُ سَيِّئَةٍ سَيِّئَةٌ مِّثْلُهَا ۖ فَمَنْ عَفَا وَأَصْلَحَ فَأَجْرُهُ عَلَى اللَّهِ ۚ إِنَّهُ لَا يُحِبُّ الظَّالِمِينَ


“Sareng ari balasan kagorengan teh eta kagorengan anu sapantar. Tapi saha jalma anu ngamaafkeun oge beberes ngalakukeun kasaen, ganjarana eta dina tanggungan Allah. Saenya Allah teu resepeun ka jalma anu darolim” (QS. Asy-Syuro: 40).


Mudah-mudahan urang sadaya kenging rohmat, taufik sareng magrifoh Allah SWT. Amiiin. 


Sakitu khutbah anu tiasa dihaturkeun, mudah-mudahan janten tambihan motivasi panyumanget ngawujudkeun “perubahan” sareng “kamajuan” dina taqwa oge “perbaikan” papada jalma.


جَعَلَناَ الله ُوَإِياَّكُمْ مِنَ العاَئِدِيْنَ وَالفَآئِزِيْنَ وَأَدْخَلَناَ وَاِيَّاكُمْ فِيْ زُمْرَةِ عِباَدِهِ المُتَّقِيْنَ. بَارَكَ الله ُلِيْ وَلَكُمْ فِيْ القُرْآنِ العَظِيْمِ وَنَفَعَنيِ وَاِيّاَكُمْ بِمَافِيْهِ مِنَ الآيَاتِ وَالذِّكْرِ الحَكِيْمِ. وَتَقَبَّلَ مِنِّيْ وَمِنْكُمْ تِلاَوَتَهُ اِنَّهُ هُوَ السَّمِيْعُ العَلِيْمُ. وَقُلْ رَبِّ اغْفِرْ وَارْحَمْ وَاَنْتَ خَيْرُ الرَّاحِمِيْنَ


Khutbah II


اللهُ أَكْبَرُ (×٣) اللهُ أَكْبَرُ (×٣) اللهُ أَكْبَرُ وَ لِلّٰهِ اْلحَمْدُ
اَلْحَمْدُ ِللّٰهِ رَبِّ الْعَالَمِيْنَ، أَشْهَدُ أَنْ لاَإِلَهَ إِلاَّ اللهُ وَحْدَهُ لاَشَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. فَيَاعِبَادَ اللهِ اِتَّقُوْا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ
قَالَ اللهُ تَعَالىَ فِيْ كِتَابِهِ اْلعَظِيْمِ "إِنَّ اللهَ وَمَلاَئِكَتَهُ يُصَلُّوْنَ عَلىَ النَّبِيِّ, يَا أَيُّهَا الَّذِيْنَ أَمَنُوْا صَلُّوْا عَلَيْهِ وَسَلِّمُوْا تَسْلِيْمًا". اَللَّهُمَّ صَلِّ وَسَلِّمْ عَلىَ سَيِّدِنَا مُحَمَّدٍ وَعَلىَ اَلِهِ وَأًصْحَابِهِ أَجْمَعِيْنَ. وَالتَّابِعِيْنَ وَتَابِعِ التَّابِعِيْنَ وَمَنْ تَبِعَهُمْ بِإِحْسَانٍ إِلىَ يَوْمِ الدِّيْنِ. وَعَلَيْنَا مَعَهُمْ بِرَحْمَتِكَ يَا اَرْحَمَ الرَّاحِمِيْنَ اَللَّهُمَّ اغْفِرْ لِلْمُسْلِمِيْنَ وَاْلمُسْلِماَتِ, وَاْلمُؤْمِنِيْنَ وَاْلمُؤْمِنَاتِ, اَلْأَحْيَاءِ مِنْهُمْ وَاْلأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ يَا قَاضِيَ اْلحَاجَاتِ. رَبَّنَا افْتَحْ بَيْنَنَا وَبَيْنَ قَوْمِنَا بِاْلحَقِّ وَأَنْتَ خَيْرُ اْلفَاتِحِيْنَ. رَبَّنَا أَتِنَا فِي الدُّنْيَا حَسَنَةً وَفِي اْلآخِرَةِ حَسَنَةً وَقِنَا عَذَابَ النَّارِ


عِبَادَ اللهِ إِنَّ اللهَ يَأْمُرُ بِالْعَدْلِ وَاْلإِحْسَانِ وَإِيْتَاءِ ذِي اْلقُرْبىَ وَيَنْهىَ عَنِ اْلفَحْشَاءِ وَاْلمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوْا اللهَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ


Husni Aziz M. Mubarok, M.Pd, Ketua MDS Rijalul Ansor Kabupaten Tasikmalaya


Khutbah Terbaru