Deudeuh Teuing Ieu Nagri
Oleh Ganjar Kurnia
Dinten-dinten kasedih
nu ngawartakeun tilar mangsa
babakti ka lemah cai sareng korban
sasalad, mulut cisoca, ngamalir ka
astana anu beuki teras ngalegaan
Teu kedah ngucapkeun hapunten
da bongan tong boro nyawa nu
lian, dalah nyawa sorangan ogé
dilalaworakeun.
Langit beuki angkeub
Nu tahlil teu tamat-tamat,
silih sambung, manjang duka dugi ka
iraha.
Maot rusiah MantenNa, sapertos
ngahaja ditangtang ku rantengna
urat beuheung, débat diantawis anu
ngamangpaatkeun musibah pikeun
kapentingan golonganna.
Anu ilang kasadrah, anu tisusut
tidungdung nyiar kipayah, mangsa
malakal maot ngalaksanakeun
tugasna moal diwilah-wilah
Penulis adalah Rektor Unpad 2007-2015
